Mikel Fernandez Minguez, Barakaldo

Aldaketak

Gauzak ez dira horrela, gauzak horrelaxe daude dio Gorka Urbizuk bere azkenengo kantan eta, egiari zor, abestiak Saharar Herriaren egoera islatzen du: bidegabekeriaz betetako errealitatea bizitzera behartutako herri bat da. Baina gauzak, jakina, alda daitezke eta xede horrekin proposamen bat helarazi nahi dizut.

Saharar Herriaren aldeko mugimenduan urteak daramatzagunok argi dugu Oporrak Bakean programak laguntzen duela horrelako gauzak aldatzen. Nolanahi ere, jakitun gara benetako aldaketa erabaki politikoek baino ezin dutela ekarri, baina eraldaketa prozesuetan badira beste ekintza batzuk garrantzi handikoak direnak eta haietako bat da Oporrak Bakean programak xede duena: zure etxean haur saharar bat hartzea uda emateko.

Horrenbestez, animatu nahi zaitut abentura honetan parte hartzera merezi du eta. Beste errealitate bat deskubrituko duzu eta, batez ere, etxeko txikientzat esperientzia ahaztezina izango da, gainera, mundu honi falta zaizkion baloreak, hala nola, enpatia eta elkartasuna indartzen dira. Besterik gabe, etorri gurekin aldaketen bila, gauzak ez direlako horrela baizik eta gauzak horrelaxe daude.

Buscar