NAIZ.INFO

Urriko hauteskundeen ostean aro baten bukaera irudikatuko dela uste du ezker abertzaleak

Maribi Ugarteburuk adierazi du Urriaren 21eko EAEko hauteskundeak «ilegalizazio eta jazarpen politikoaren aroa bukatutzat emateko unea» izango direla.

«Bazen garaia» esanda abiatu du Maribi Ugarteburu bozeramale independentistak bere balorazioa, «putxerazo batean oinarritutako legebiltzar baztertzailea desegiteko» garaia zela adierazi du eta «herritarren ordezkaritza faltsutuan oinarritu den gobernuaren aroa» bukatu dela. 2009ko hauteskundeetan sufragio unibertsala urratu zela gogoratu du.

Urriko hauteskundeen biharamunean aro baten bukaera irudikatuko dela ere adierazi du ezker abertzaleko bozeramaleak, «ilegalizazio eta jazarpen politikoaren aroa bukatutzat emateko unea» iritsi dela. «Proiektu politiko guztiak modu demokratikoan garatu ahal izateko aroaren hasiera markatzeko unea» dela esan du.