NAIZ.INFO
DONOSTIA

Ezker abertzaleak elkartasuna adierazi dio Iñaki Sotori

Ezker abertzaleak elkartasuna adierazi dio Iñaki Soto GARAko zuzendariari eta pairatzen ari den «jazarpen judiziala» salatu du.

Iñaki Soto GARAko zuzendaria Auzitegi Nazionalean inputatu gisa deklaratzera deitu dutela-eta, ezker abertzaleak elkartasuna helarazi dio eta pairatzen ari den «jazarpen judiziala» salatu du.

Ohar batean, «oso larritzat» jo du «berriro ere euskal hedabide batean garaturiko jarduna jo puntuan jarri izana» eta ‘Egin’, Egin Irratia, ‘Ardi Beltza’ eta ‘Egunkaria’rekin gertatua gogora ekarri du.

Sotoren inputazioa azken urtean «euskal jendartearen bake, konponbide eta justizia nahien aurka Rajoy eta Basagoitiren PPk bultzaturiko estrategian» kokatu du.