Naiz.info
Iruñea

Josu Ziganda eta Karlos Apeztegia presoak aske geratu dira

Josu Ziganda errenteriarra eta Karlos Apeztegia iruindarra aske geratu dira bart. 24 eta 22 urte eman dituzte espetxean, hurrenez-hurren.

Karlos Apeztegia (ezkerrean) bere senideekin, oraindik Andaluzian. (NAIZ.INFO)
Karlos Apeztegia (ezkerrean) bere senideekin, oraindik Andaluzian. (NAIZ.INFO)

Josu Ziganda eta Karlos Apeztegia euskal presoak aske geratu dira bart, NAIZek jakin ahal izan duenez.

Apeztegia Puertoko kartzelan zegoen eta 22 urte zeramatzan espetxeratuta. NAIZi azaldu dionez, oraindik harrituta dago ez baitzuen espero aske geratzea.

Zigandak, bere aldetik, 24 urte eman ditu espetxean eta egun Jaenen zegoen. Eguerdi aldera iritsi da Errenteriara eta harrera egin diote senide eta lagunek.

Auzitegi Nazionaleko Fiskaltzak iragarri du Zigandaren askatasuna helegingo duela Auzitegi Gorenean, 197/2006 sententzia aplikatu ez zitzaiolako.