Jose Antonio Asiain CANeko presidente ohiak, akusazio gisa, hamalau hilabeteko espetxe zigorra eskatu du Cerverarentzat, bitartean Fiskaltzak, defentsak eta Kontuz! elkarteak auzia artxibatzeko galdegin dute, ‘Diario de Navarra’ eta ‘Diario de Noticias’ egunkariek argitaratu dutenez.
Iragan martxoaren 18an ‘Cervera auziaren’ ikerketa bukatu ondoren iritsi da ahozko epaiketa irekitzeko autoa. Fermin Otamendi epaileak ondorioztatu zuen PPko diputatu ohiak xantaia egin izanaren zantzuak daudela.
2012ko abenduaren 9an atxilotu zuen Cervera guardia zibilak, Iruñeko harresi batean ezkutatuta zegoen gutunazal bat hartu zuenean.
Lau egun lehenago, Nafarroako Kutxako presidente Jose Antonio Asiainek mezu anonimo bat jaso zuen, zirrikitu horretan 25.000 euro utz zitzala exijituz, CANi buruzko informazio bat publiko egiteko mehatxua eginez. Arrazoi honengatik salaketa jarri zuen Asiainek.
Cerverak, bere aldetik, dio berak ere anonimoa jaso zuela, eta Nafarroako Kutxaren agiri batzuk jasotzera gonbidatu zutela. Berari ere «tranpa» jarri ziotela argudiatu zuen.
Martxoko autoan epaileak adierazi zuen inputatuta dagoen diputatu ohiak ez zuela azalpen sinesgarririk eman.
Fiskaltzak, aldiz, auzia artxibatzeko eskatu zuen, Cerveraren aurkako auzia aurrera eramateko froga nahikoa ez dagoela argudiatuta.
De la victoria de EH Bildu en Eibar al empate de Laudio, pinceladas de una noche histórica
¿Qué sabemos de Pradales? Nada Urkullu, algo Ibarretxe y muy Imaz
EH Bildu Gasteiz censura el uso de 2 millones de euros públicos en beneficio de El Corte Inglés
Abenduaren 21erako bigarren kontzertu bat iragarri du Muguruzak, lehenerako sarrerak agortuta
