Martxan da Gazte Burutakzio topaketetako bigarren eguna. Altsasun bildutako gazteak Aritza ikastolan gosaldu eta 9.00etatik aurrera tailer ezberdinetan ikasteko eta hausnartzeko aukera izango dute.

Parrandazale gutxi edo iratzargailu onak daude #Burutakzio-etan. Gazteria puntual gerturatu da gosaritara. pic.twitter.com/1wE47qAfCG

— Topatu.info (@topatuinfo) April 19, 2014

Egitarau oparoa osatu dute, leloari jarraituz burua eta akzioa uztartzeko. Mikropolitika, komunikazio gerrila, sormena, desnormalizazioa eta kanto proiekzioaren inguruko tailer ezberdinak izan dira goizean.

Gosaldu eta 09:00etarako prest izango dira gazteak goizeko tailerrei ekiteko. #Burutakzio pic.twitter.com/Ka04AsrYeG

— Topatu.info (@topatuinfo) April 19, 2014

Bazkariarekin indarrak bildu ondoren, lanean jarraitu dute gazteek. Arratsaldeko txandan, tailer desberdinak programatu dituzte: ‘Zernahi gara’ izenekoa, ‘Okupaziorako aholkuak’... Iñaki Soto GARAko zuzendaria eta Ion Telleria NAIZeko kazetaria ere han izan dira, ‘Story telling’ tailerrean.

.@iontelleria eta @gara_isoto kontaketa eredu ezberdinak proposatzen #Burutakzio-etan 'Story telling' tailerrarekin pic.twitter.com/IIUEfbzcLR

— Topatu.info (@topatuinfo) April 19, 2014

Egunari behar bezalako bukaera emateko, ekitaldi nagusia egin dute gazteek, Altsasuko plaza mukuru betez.

Pozik agertu dira, izan dituzten oztopoen gainetik topaketak aurrera ateratzeko gai izan direlako.

Aitzinako Koldo Etxegaraik eta Ernaiko Maialen Etxeberriak hartu dute hitza, eta dei egin diete gazteei, burua eta akzioa uztartzen jarrai dezaten.

«Irudimen eta sorkuntzaz jokatu behar dugu gazteok, gure herriaren eraikuntzan», esan du Etxegaraik.

Maiatzaren 3an, Ernaik deituta, Bilbon egingo den «manifestakziora» (17.30, Deustuko zubitik) joateko deia ere egin dute.

[Bideoa] #Burutakzioa ekitaldi amaiera http://t.co/ix1zamEyEG

— Ion Telleria Barrena (@iontelleria) April 19, 2014