Kazetari talde bat gabiltza furgonetan egunero Korrikaren bidaiaren berri ematen, irrati, telebista, Internet edo egunkarian. 18. edizioa da aurtengoa eta gauzak majo aldatu dira kronikalariontzat.
Ostegunean hasi eta hamaika egunean, Andoaindik atera eta Baionara iritsiko da euskararen lekukoa eskuz esku. Euskal Herri osoan gauzatuko da hala «Eman euskara elkarri» leloa. Kanpainaren sortzaileek beren lana kontatu digute, eta historia eder bat lemarekin lotuta.
