Naiz.info
Bilbo

Aurreikuspen guztiak gainditu ditu aurtengo Durangoko Azokak

Gerediaga Elkarteak aurtengo edizioaren balorazioa egin du eguerdian eta 47. Durangoko Liburu eta Disko Azokak krisiari aurre eginez «markak haustea» lortu duela  nabarmendu dute.

Aiert Goenaga, Durangoko Azokako zuzendaria. (Juanan RUIZ / ARGAZKI PRESS)
Aiert Goenaga, Durangoko Azokako zuzendaria. (Juanan RUIZ / ARGAZKI PRESS)

2012ko Durangoko Azokak aurreikuspen guztiak gainditu dituela azpimarratu dute Gerediaga Elkarteko ordezkariek. Aier Goenaga, Azokako zuzendariak, adierazi duenez aurtengo edizioak «markak haustea» lortu du eta euskal kulturarentzat «erreferentzia» izaten jarraitzen duela.

Goenagak aipatu duen bezala, 2012an egun bat gutxiago izan du Durangoko Azokak, baina hala ere bisitari gehiago izan direla esan du. 106.000 lagun igaro izan direla igande eguerdirarte azpimarratu du.

Etorkizunari begira, datorren urteetarako helburua «Hiri Azoka» sortzea izango dela esan dute Durangoko Azoka herri gutzitik barrena hedatuz gune ezberdinekin.

Disko salduenak

Durangoko Azokak arratsaldean ezagutzera eman ditu aurtengo edizioko diskorik salduenak. Gatibu, Gose, Betagarri eta Mikel Urdangarin izan dira disko gehien saldu dituztenak.

Liburuei dagokionez, Kirmen Uriberen azken lana izan da salduenetakoa.