Tourrarekin «maiteminduta» dagoela esan du Astarlozak eta bederatzi urtez bertan parte hartzea «ohorea» izan dela. 22 urte eman ditu txirrindularitzan eta azken 12ak profesionaletan. 34 urte bete ditu eta «bizitza aldaketa» egitea hautatu du pasaiarrak, orain arte hartutako erabakirik zailenaren ondoren.
«Nire garaipenik handiena nire lanbideaz disfrutatzea izan da eta gehien atsegin dudan horretan lanean bizitza aurrera atera ahal izatea. Ibilbide luzea izan da. Lagun asko egin ditut, leku asko ezagutu eta oso oroitzapen onak eramango ditut nirekin», esan du ohar batean.
Astarlozak badaki atzean gauza asko utziko dituela, «baina bizitzaren proiektu berriei ilusioz beteta» aurre egingo diela aitortu du.
Pasaitarrak 2002an egin zuen debuta profesionaletan Ag2R taldearekin. Bertan egon zen 2006ra arte, eta orduztik gaur egunera arte Euskaltel-Euskadiko txirrindulari izan da.
Bere ibilbidea gazi gozoa izan da, ordea. 2009an EPOagatik positibo eman zuen eta bi urtez egon zen errepideetatik urrun, 2011ko abuztuan itzuli zen arte.
Detenido en Iruñea Óscar Reina, secretario del SAT, acusado de un delito de «calumnias»
El Parlamento navarro pide la exclusión de Israel de los Juegos de París
EH Bildu organiza una Conferencia Municipalista para «dar un salto en la construcción de país»
Aburto responde a la protesta vecinal pidiendo que se acepte que solo Sader abandone Zorrotza
