Leherketa Abujako hirigunean dagoen autobus geltoki batean gertatu da, goizeko 6.45ean, bertako hedabideek zabaldu dutenez. Ordu horretan jendez beteta zegoen geltokia eta bidaiariak autobusetara igotzeko zain zeuden.
Poliziaren bozeramaile batek esan duenez, gutxienez 71 pertsona hil dira eta 124 zauritu, baina hildakoen kopuruak gora egin lezake zaurituetako asko oso larri baitaude.
‘Premium Times’ egunkariaren arabera, hildakoak 200 baino gehiago izan litezke.
Leherketaren ondorioz hamabi autobus inguru oso kaltetuta gertatu dira.
Oraingoz inork ez du bere gain hartu erasoa. Azken egunotan, Boko Haram talde islamistari egotzitako erasoetan 200 pertsona hil dira Nigeriako ipar-mendebaldean.
Nigeriako presidente Goodluch Jonathanek hiriburuan segurtasun neurriak areagotzeko agindua eman du.
Tik-Tok, tik-tok erloju-bonbak
‘Cadena perpetua’ cumple treinta años: siempre nos quedará Zihuatanejo
El PNV solo mantuvo su dominio entre votantes de más de 60 años
José Mujica anuncia que padece un tumor de difícil tratamiento
