Karachiko Poliziak jakinarazi duenez, oraindik ezin izan dituzte erretako ehungintza lantegiko jabeak atxilo hartu: Abdul Aziz eta haren seme diren Shahid eta Arshad.
Bitartean, erreskate taldeek ezbeharra jazo zen lekuan jarraitzen dute lanean, oraindik ez baitituzte gorpu guztiak atera. Gainera, garrek eragindako kalteen ondorioz eraikina erori ere egin daitekeela ohartarazi dute.
Ali Enterprises ehungintza enpresako langileek komunikabideei azaldu dietenaren arabera, sutearen tamaina ikusita, langileak baino lehen makineria salbatzeko agindua eman zuten ugazabek.
Josteko makinak, hain zuzen, baliatu zituzten langileek leihoak apurtu eta lantegitik ateratzen saiatzeko, hori baitzen eraikinetik ateratzeko modu bakarra.
Sindh probintziako Auzitegi Nagusiak kasuaren instrukzioa abiatu du eta lurraldeko Gobernuak ere ikerketa batzordea osatu du, bertako prentsaren arabera.
300 langile inguru hil dira sutearen ondorioz.
De PNV 1980 a EH Bildu 2024, así cambia el mapa pueblo a pueblo del Parlamento de Gasteiz
EH Bildu Gasteiz censura el uso de 2 millones de euros públicos en beneficio de El Corte Inglés
Abenduaren 21erako bigarren kontzertu bat iragarri du Muguruzak, lehenerako sarrerak agortuta
El «lawfare» contra su pareja abate a Sánchez, que se toma unos días para decidir qué hacer
