Gipuzkoako Foru Aldundiak bide seinaleetan hainbat aldaketa egin ditu bi helburu nagusi ardatz harturik; batetik, Europako irizpideetara egokitzeko eta, bestetik, Gipuzkoa eta Lapurdiko jendartearen «nahi eta ikusmoldeetara hobeto egokitzeko».
Horretarako, N-I, N-121, GI-636, GI-20 eta inguruko errepideetako hainbat seinale egokitu ditu. Moldatutako seinale horietan, gidariei «Frantzia» erakusten zitzaien orain arte eta, aurrerantzea, «Baiona» azalduko da.
Bidegiren eskumeneko errepideetan, ordea, oraindik ez da aldaketarik egin, baina Aldundiak aurreratu duenez ostiralean egingo dira aldaketok.
Bestalde, lurralde arteko mugak adierazteko ere seinaleak jarri ditu errepideetan. Horretarako, Santiago zubian, Behobiako zubian eta Biriatuko zubian norabide bakoitzean seinale bat jarri dute, Gipuzkoako norabidean «Gipuzkoa» seinalea jarri dute eta beste norabidean «Lapurdi».
Era honetan, herrialdeen arteko muga guztietan izango ditu seinaleak Gipuzkoak.
Los ingredientes para un «lawfare»
Jon Sarasua: «Marko ideologiko jakina dago txapelketan, eta pobrea»
Lawfare: berria ez den jarduera bat, sei kasu paradigmatikotan
«Oraingo honetan ez digute utzi, baina Gazara iritsiko gara blokeoa haustera»
