Segi gazte erakundeko kideak izatea egotzita auziperatuta dauden Donostialdeko gazteen aldeko manifestazioa deitu du Eleak mugimenduak martxoaren 9rako, ‘Euskal gazteria libre eta legala’ lelopean.
Txerra Bolinagak eman du mobilizazioaren berri prentsaurrean. Manifestazioan gain, ordea, Auzitegi Gorenak epaia eman bitarte ostegunero Artzai Onaren katedralean elkarretaratzeak egingo dituztela azaldu du.
Pasa den otsailaren 13an egin zuen azken bista Auzitegi Gorenak eta ordukoan ezarritako zigorrak berresteko eskatu zuen fiskaltzak. Zigorra berresten den momentutik aurrera edozein momentutan izan daitezke atxilotuak gazteak.
Bolinagaren esanetan, auziperatuek eta Eleak-eko hainbat ordezkarik eragile sozial eta sindikal ezberdinekin harreman bira bat hasi dute, «gazteok bizi duten egoera salatzeko».
Prentsaurrean izan dira, besteak beste, Joseba Alvarez Sortuko kidea edota Alternatibako Xabier Soto.
La resaca del 21A en Nafarroa: Morbo, perplejidad y ciertas notas de decepción
Aburto responde a la protesta vecinal pidiendo que se acepte que solo Sader abandone Zorrotza
El agente que abusó de una víctima de violencia machista sigue en la Ertzaintza
La nueva presidenta de UPN se abre a pactos puntuales con EH Bildu y a gobernar con Geroa Bai
