Etsipena. Ametsgaiztoa. Athleticek eskura zeukan Emakumezkoen Lehen Mailako Liga irabaztea. Berdinketa bat nahikoa zen, non eta San Mamesen. Ospakizun handi batekin agurtu nahi izan dute zelaia zuri-gorriek. 20.000 zale hurbildu dira partida zuzenean ikustera, baina azkenean presio horrek beren kontra jokatu du.
Hasieratik okertu dira gauzak Athleticentzat. Melanik aurretik jarri du Bartzelona hirugarren minutuan. Kolpe gogorra izan da zuri-gorrientzat, nahiz eta atsedenaldiaren aurretik partida berdintzea lortu du Elik.
Bigarren kolpea gogorragoa izan da. 15 minutu falta zirenean ezustean harrapatu ditu denak Kentik eta Liga bat eman dio Bartzelonari. Azken txanpan erantzuten saiatu dira zuri-gorriak, gol bakar bat nahikoa baitzen, baina ezin izan dute partida berdindu.
Beste alde batetik, Realak eta Lagunak tladeak porrot batekin bukatu dute liga. Txuri-urdinek 3 eta 0 galdu dute Espanyolen kontra eta nafarrek 7 eta 0 Levanteren kontra.
Aburto responde a la protesta vecinal pidiendo que se acepte que solo Sader abandone Zorrotza
La nueva presidenta de UPN se abre a pactos puntuales con EH Bildu y a gobernar con Geroa Bai
El PNV ha dejado de ser el «catch all party» de Araba, Bizkaia y Gipuzkoa
La Zona de Bajas Emisiones se implantará en el centro de Bilbo a partir del 15 de junio
