Efe eta Europa Press agentzia espainolek berri eman dutenez, Ernairen webgunearen itxieraren harira inputatuta zegoen lagunak ez du joan behar izango deklarazioa ematera, auzitik kanpo utzi dutelako.
Auzitegi Nazional espainoleko iturrien arabera, frogatuta gelditu da inputatutako lagunak ez zuela inolako erantzukizunik webgunean argitaratzen ziren edukien gainean.
Epaileak Polizia espainolari eskatu dio txosten bat egiteko, webgunearen edukien kudeatzaileak identifikatzeko.
Iragan apirilaren 26an agindu zuen Velasco epaileak Ernai gazte antolakundearen webgunearen itxiera, Xabier Lopez Peña zenaren izena goraipatu zuela argudiatuta.