Gune plataforma osatzen duten sindikatu eta gizarte eragileek agerraldia egin dute Bilbon, pentsioen erreforma «lapurreta bat» dela salatu eta Euskal Herriko erakundeei eskatzeko erreforma horrek dakartzan ondorioak ekidin ditzala.
«Argi eta ozen esan nahi dugu alternatiba errealak egon badaudela. Borondate politikoa badago, bestelako neurriak aplikatu litezke», nabarmendu dute ELAko idazkari nagusi Adolfo Muñozek eta LABeko Ainhoa Etxaidek.
Azaldu dutenez, Madrilgo Gobernua bankaren eta aseguru-konpainien «mesedetan ari dira», eta haientzat «pentsiondunok –oraingoak eta gerokoak– ez dugu baliorik pertsona gisa». «Kontuan hartzen bagaituzte, pentsioetatik dirua kentzeko da; gero espekulazioaren eta bankuen zorrak estaltzeko erabiliko dutena», kritikatu dute Muñozek eta Etxaidek.
Zentzu horretan, dei egin diete Hego Euskal Herriko erakundeei, pentsio publiko duinak berma ditzaten. Hala ere, EAJ, PSE eta PPk sinatutako itun fiskalak «Madrildik datorrena ontzat» ematen duela arbuiatu dute eta egungo politiketan sakontzen duela gaineratu.
Azkenik, larunbatean Bilbo, Gasteiz, Iruñea eta Donostian egingo diren mobilizazioetan parte hartzeko deia egin dute.
El Parlamento navarro pide la exclusión de Israel de los Juegos de París
EH Bildu organiza una Conferencia Municipalista para «dar un salto en la construcción de país»
Aburto responde a la protesta vecinal pidiendo que se acepte que solo Sader abandone Zorrotza
El agente que abusó de una víctima de violencia machista sigue en la Ertzaintza
