Bilbon 8.000 lagun inguru elkartu dira eguerdian hirigunean egin den mobilizazioan. Lakuako Gobernuak Gran Vian duen egoitzatik Arraiaga plazaraino joan dira eta, aurretik, San Inazio, Alde Zaharra eta Ingenieritza fakultatetik abiatutako zutabeak Jesusen Bihotza plazan elkartu dira.
Ertzaintzak zorrotz zainduta egin dute manifestazioa, ‘Hezkuntza herritik herriarentzat’ lelopean. ‘Borroka da bide bakarra’, ‘Ez ez ez, Lomcerik ez’, ‘Hezkuntza sistema duin eta dohaina’ eta ‘Ikasle altxa, hasi da iraultza’ leloak oihukatu dituzte ibilbidean zehar. Gran Vian aurrera zihoazela, 2.000 lagun inguruk eskolak ematen ari ziren Institutu Zentralerantz jo dute, okupatzeko asmoz, baina ez dute lortu, bertako langileek eta Ertzaintzak eragotzi egin baitiete. Une horretan poliziak kargatu egin du eta lau lagun atxilotu ditu.
Manifestazioak aurrera jarraitu du Gran Vian eta Arriaga plazan bukatu da. Arratsaldean hitzordua 18.30ean izan da, Moyuatik, eta jasotako erantzuna ere jendetsua izan da. Atxilotuen askatasuna galdegiteko ohiuak izan dira nagusi Ertzaintzak berriro ere gertutik jarraitu duen manifestazioan.
De PNV 1980 a EH Bildu 2024, así cambia el mapa pueblo a pueblo del Parlamento de Gasteiz
EH Bildu Gasteiz censura el uso de 2 millones de euros públicos en beneficio de El Corte Inglés
Abenduaren 21erako bigarren kontzertu bat iragarri du Muguruzak, lehenerako sarrerak agortuta
El «lawfare» contra su pareja abate a Sánchez, que se toma unos días para decidir qué hacer
