Gipuzkoako hainbat udaletako ordezkariek, Foru Aldundiko Euskara zuzendaria den Zigor Etxeburuarekin batera, Estatu espainiarrak euskararen garapenaren aurka duen «gorroto eta burugogorkeriarekin» amaitzeko eskatu dute, baita herritarrak eta Gipuzkoako erakundeak errespetatzeko ere.
Ainhoa Zabalo Lezoko alkateak azaldu duenez, guztira 37 Udal salatu ditu Estatu espainiarrak erakunde horiek kontratazioetan zehaztu dituzten hizkuntz irizpideengatik eta Tolosa eta Beizamako udalak epaitegietara eraman ditu. Zentzu horretan, euren burua gobernatzeko duten «ahalmena» aldarrikatu du.
Etxeburuak gaineratu duenez, Estatu espainiarrak euskara gal dadin duen asmoa «ez da oraingoa» eta, ildo horretan, euskarak, Estatuaren «gutxiespen» horren ordez, Europako herrialdeetan hizkuntz irizpideen aferan ematen den elkar-aitortza behar duela gaineratu du.
Hala, Lakuako Gobernuari Gipuzkoako hainbat udal eta erakunde pairatzen ari direna kontuan hartzeko eskatu dio, baita duela pare bat hilabete egin zioten eskaerari erantzuteko ere, hau da, babesa eta laguntza exijitu dio Etxeburuak Lakuari.
Gauzak horrela, euskararen normalizazioaren alde lanean jarraituko dutela adierazi du.
EH Bildu Gasteiz censura el uso de 2 millones de euros públicos en beneficio de El Corte Inglés
El «lawfare» contra su pareja abate a Sánchez, que se toma unos días para decidir qué hacer
Fermin Muguruzak «hasiko naiz pentsatzen 2025erako zerbait» esan du, bi ‘sold out’-en ostean
Los ingredientes para un «lawfare»
